Qasym-Jomart Toqaev Aiqyn jáne «Lıter» gazetterin 20 jyldyq mereıtoıymen quttyqtady
ASTANA. KAZINFORM — Qazaqstan Prezıdenti AIQYN jáne «Lıter» gazetterin 20 jyldyq mereıtoıymen quttyqtady.
Bul jaıynda Memleket basshysynyń baspasóz hatshysy-Prezıdent keńesshisi Berik Ýálı habarlady.
— Otandyq aqparat keńistiginde oıyp turyp oryn alǵan, búginde qazaqstandyq jýrnalıstıkanyń sheberlik mektepterine aınalǵan, egiz qozydaı AIQYN jáne «Lıter» gazetteriniń oqyrmanmen qaýyshqanyna 20 jyl tolypty. Qos basylym osy ýaqyt aralyǵynda zamananyń únine, qoǵamnyń aınasyna aınaldy. Taqyrypty tarqatyp jazar taldaýlarymen, salmaqty saraptamalarymen, súıekti suhbattarymen tanyldy. Búginde AIQYN men «Lıter» — elimizdegi kóshbasshy gazetterdiń biri hám biregeıi. Mereıtoıǵa oraı qos basylymdy Memleket basshysy Qasym-Jomart Toqaev quttyqtap, gazetterdiń órkendeı berýine tilektestik bildirdi. Aiqyn men «Lıter» aldaǵy ýaqytta da el damýyna eleýli úles qosa beredi dep senemiz, — dep jazdy Berik Ýálı Facebook paraqshasynda.
