Qasym-Jomart Toqaev adamdarǵa kózqarasy qalaı qalyptasatynyn aıtty
ASTANA. KAZINFORM — Aýyl sharýashylyǵy eńbekkerleriniń ІІІ forýmynda Memleket basshysy Qasym-Jomart Toqaev adamdarǵa kózqarasy qalaı qalyptasatynyn aıtty.
— Eshqandaı joǵary nagrada, keremet bilim jáne mol tájirıbe zańǵa qaıshy áreket jasaǵan kezde keshirim jasaýǵa negiz bolmaıdy. Keshegi tabysyń emes, búgingi jumysyń baǵalanady. Sol orynǵa qanshalyqty laıyq ekenińdi naqty nátıje jáne isińe jaýapkershilikpen qaraý arqyly kórsete alasyń. Prezıdent retinde meniń adamdarǵa kózqarasym atqarǵan isine qaraı qalyptasady. Meniń tarapymnan eshqandaı artyq nemese shamadan tys talap qoıylmaıdy: tártipti buzbasań, adal bolsań, jınaqy júrip, memleket múddesine qııanat jasamasań bolǵany, — dedi Qasym-Jomart Toqaev.
Prezıdenttiń aıtýynsha, bul — barlyq laýazymdy tulǵalarǵa qoıylatyn qarapaıym, oryndy talap. Ony múltiksiz oryndaý qajet.
— Talaı ret aıttym, taǵy da eske salamyn: Konstıtýtsııada «Zań men Tártip» buljymas qaǵıdat retinde bekitildi jáne ataq-abyroıyna, qoǵamdaǵy ornyna qaramastan azamattardyń bárine birdeı qoldanylady. Barlyq deńgeıdegi basshylar konstıtýtsııalyq qundylyqtardy tereń túsinip, ony is júzinde ustanýǵa tıis, sondaı-aq Ádiletti Qazaqstan qurý ıdeıasyn shynaıy nıetpen qabyldaǵany jón, — dedi Memleket basshysy.