10:03, 22 Tamyz 2025 | GMT +5
Qasym-Jomart Toqaev 1916 jylǵy úrkinshilik qurbandaryna arnalǵan eskertkishke gúl shoǵyn qoıdy
ASTANA. KAZINFORM — Prezıdent Qasym-Jomart Toqaevtyń Qyrǵyz Respýblıkasyna resmı sapary «Ata beıit» ulttyq tarıhı-memorıaldyq keshenine zııarat etýden bastaldy. Bul týraly Aqordanyń baspasóz qyzmeti habarlady.
Munda Otanyna ár kezeńde qaltqysyz qyzmet etken qyrǵyz halqynyń dańqty perzentteri, stalındik repressııa qurbandary jerlengen. Keshenge «Ata beıit» ataýyn jazýshy Shyńǵys Aıtmatov usynǵan.
Memleket basshysy memorıaldyq keshen aýmaǵyndaǵy 1916 jylǵy úrkinshilik qurbandaryna arnalǵan eskertkishke gúl shoǵyn qoıdy.
Aıta ketelik Qasym-Jomart Toqaev Qyrǵyz Respýblıkasyna resmı saparmen barǵan edi.