Qasıetti Taqpen qatynas ornaǵanymen, katolıkterdiń Qazaqstanda kóbeıip ketý qaýpi joq - Q. Lama Sharıf

 Búgin Májiliste «Qazaqstan Respýblıkasy men Qasıetti Taq arasyndaǵy Ózara qatynastar týraly kelisimdi ratıfıkatsııalaý týraly» zań jobasyna oraı depýtattar saýalyna jaýap bergen QR Din isteri agenttiginiń tóraǵasy Qaırat Lama Sharıf osylaı málim etti.

Talqylaý barysynda depýtat Rozaqul Halmuradov kelisimge sáıkes, katolık shirkeýleri tirkelip olarǵa basqa memlekettiń ókildik berilgen adamdary taǵaıyndalatynyn aıtty. «Bul durys ta shyǵar. Al semınarııalar, kolledjder, mektepter nemese tárbıe mekemelerin ashýǵa ruqsat berip, sony zańdy tulǵa dep tirkeýdiń Qazaqstan úshin qanshalyqty qajettiligi bar?», - dep surady depýtat R. Halmuradov Din isteri agenttiginiń tóraǵasynan.

Óz kezeginde Q. Lama Sharıf ótken 20 jyldyń ishinde elimizdegi Rım katolık shirkeýi 81 prıhodqa ǵana ıe bolǵanyn, sonyń ishinde bir semınarııa Qaraǵandy qalasynda bar ekenin aıtty. «Tamyz aıynda Qaraǵandy qalasynda Ortalyq Azııadaǵy eń úlken shirkeýlerin ashty. Sondyqtan da, aldaǵy ýaqytta bulardyń keńeıýine tabıǵı jaǵynan esh múmkindik joq. Óıtkeni, Qazaqstanda 150 myń katolık bar dep eseptelip otyr. Sondyqtan da, qazirgi 80 prıhodpen solardyń dinı qyzmetin, dinı rásimderin oryndaýǵa tolyq múmkindikter beriledi. Aldaǵy ýaqytta budan basqa semınarııalar ashylýy múmkin úrdisti kórip otyǵan joqpyz», - dep jaýap berdi Din isteri agenttiginiń tóraǵasy. 

Budan bólek, agenttik tóraǵasy sheteldik mıssıonerlerdiń elimizge kelip-ketýi jańa zań talaptaryna sáıkes, qatań baqylaýda bolatynyn málimdedi.