Qasıetti Oraza bıyl tamyzdyń 11-inen qyrkúıektiń 9-yna deıin jalǵasady
ALMATY. Tamyzdyń 6-sy. QazAqparat /Erbol Turymbetov/ - Qasıetti Ramazan aıynda oraza ustaý bıyl tamyzdyń 11-inen qyrkúıek aıynyń 9-yna deıin jalǵasady. Al beriletin sadaqa mólsheri 100 teńge.
Bul týraly búgin Qazaqstan musylmandary dinı basqarmasynyń Bas múftıi Ábsattar qajy Derbisáli Almatyda ótken baspasóz máslıhatynda málim etti, dep habarlaıdy QazAqparat.
Oraza paryz bolǵan musylman balasy tamyzdyń 10-y kúni keshkilik nıet etip, tamyzdyń 11-i kúni tań qarańǵysynan orazaǵa kirip, aýyz bekitýi kerek.
«Búkil respýblıka boıynsha tamyzdyń 10-y kúni keshke barlyq meshitterde taraýyq namazdary bastalady. 11-inen bastalǵan oraza keler aıdyń 8-imen bitedi. Al qyrkúıektiń 9-y Aıttyń birinshi kúni bolyp esepteledi», dedi Bas múftı.
Ramazan aıynyń 27-shi keshi - qasıetti Qadir túni qyrkúıek aıynyń 5-inen 6-syna qaraǵan túnine sáıkes keledi.
