Qasıetti merekeni beıbastaqtyqqa aınaldyrý barlyq zańǵa qaıshy- saıasattanýshy Saıyn Borbasov
ALMATY. 20 jeltoqsan. QazAqparat /Erlik Erjanuly/ - Jalpyhalyqtyq meıram kezinde Jańaózende oryn alǵan qaıǵyly oqıǵa barlyq qazaqstandyqtardy erekshe qynjyltyp otyr.
Saıası ǵylymdardyń doktory, professor Saıyn Borbasovtyń aıtýynsha, eń qasıetti meıram sanalatyn Táýelsizdik kúninen artyq mereke joq. Ony basbuzarlyqqa aınaldyrý kóńilge kirbiń túsiretin jáıt.
"Áleýmettik qaıshylyqtar tabıǵı nárse. Kapıtal men eńbektiń arasyndaǵy qaıshylyq mindetti túrde bolady. Biraq onyń bárin beıbit jolmen, kelissózdermen, BAQ-ty, jergilikti ákimshilikti, kásipodaqtardy, azamattyq qoǵam ınstıtýttaryn paıdalanyp sheshýge bolady. Al endi bas salyp ákimshilikti jaǵyp jiberý, dúkenderdi tonaý, kólikterdi órteý degen úlken beıbastaqtyq bolyp tabylady. Ol Konstıtýtsııaǵa da, ózge zańdarǵa da syımaıdy. Qazaqstan quqyqtyq memleket ornatyp jatqan el. Osy ýaqytqa deıin qoǵamdyq qatynastardyń barlyq salalaryn retteıtin 2 myńnan astam zańdar qabyldandy. Prezıdent Konstıtýtsııanyń kepili retinde osy beıbastaqtardyń barlyǵyn ózine halyq júktegen quqyqtar negizinde sheshedi", - deıdi Saıyn Moldaǵalıuly. Ǵalymnyń pikirinshe, ony bastaǵan adamdardyń barlyǵy tıisti jazalaryn alýy tıis. Bul óte zııandy qubylys. Bul qubylystardyń ar jaǵynda bóten bir kúshter tur. Olardyń maqsaty jumysshy jastardyń qolymen ot kósep, Qazaqstandaǵy evolıýtsııalyq turaqty damýǵa zııanyn tıgizý.
