Qasıetti Mekkedegi tarıhı meshit tolyqtaı jańartylady
ASTANA. QazAqparat - Qasıetti Mekke shaharyndaǵy «ál-Hýdaıbııa» meshiti tolyqtaı jańartylady. Tarıhı meshitti qaıta qalpyna keltirý jobasy onyń ıslam dinindegi mańyzdylyǵyn kóterý maqsatynda qolǵa alynyp otyr, dep habarlanǵan «Nur Astana» meshitiniń saıtynda.
Atalmysh meshit 628 jyly Muhammed paıǵambardyń (s.ǵ.s.) Mekke múshrikterimen beıbitshilikke qol jetkizip, tarıhta «Hýdaıbııa kelisimi» atalǵan kelisim ornaǵan jerde boı kótergen. Aýdan Mekkeniń batysynda ornalasqan. Saýd Arabııasy Ulttyq muralar jáne týrızm jónindegi komıssııanyń bas dırektory Feısal ál-Sharıf meshitti óńdeý jumysyna ózge kompanııalardan oq boıy ozyq tájirıbeli fırma atsalysatynyn málim etti. Qurylys barysynda sońǵy ǵylymı tehnologııa jáne ınnovatsııa jetistikteri qoldanylady. Quzyretti komıssııa men «ál-Týrat» muralar qory búgingi kúnge deıin koroldik aýmaǵyndaǵy 21 meshitke qaıta jańartý jumystaryn júrgizip shyqqan.
