Qasıetti Qurannyń eń qymbat nusqasy
ASTANA. QazAqparat - Qasıetti Quran álemdegi eń qymbat baǵaǵa satylǵan. AQSh-ta ótken bássaýda barysynda Quran Kárimniń bul nusqasy 2 330 000 dollarǵa baǵalanǵan, dep habarlady muslim.kz.
Qasıetti qoljazbany 1203-jyly (hıjra jyl sanaýy boıynsha 599-jyl, Ramazan aıynyń 17-juldyzy) ıAhıa bın Mýhammad ıbn Omardyń jazǵany aıtylady. Uzaq ýaqyt boıy jurt kózinen tasa jatqan Quran kitabyn 1905-jyly Archer Mılton Hantıngton esimdi zertteýshi tapqan bolatyn.
Krıstıs bássaýdasy sarapshylarynyń aıtýynsha, 2 330 000 dollar Islam kitaptary arasynda rekordtyq kórsetkish bolyp otyr. Buǵan deıingi rekordtyq baǵa H ǵasyrda kýfalyq qarippen jazylǵan Quranǵa tıesili bolatyn. atalmysh kitap 1 870 000 dollarǵa satylǵan edi.
