«Qasıetti Quran aptasy» atty kórme ashylady
«Kórmede ıslam mádenıeti men ónerin beıneleıtin ıran sheberleriniń týyndylary qoıylady. Islam óneriniń ishinde qusnıhat (kallıgrafııa) keńinen tanymal. Iranda Kallıgrafııa ónerin ıslam dáýiri kezinde musylmandyq dinı-ǵuryptyq ǵımarattar men qurylystarda, ıaǵnı Quran aıattary men «Alla», «Muhammed» jáne «Álı» degen kıeli sózderdi jazbasha-kórkem beıneleý jolynda paıdalandy. Irandaǵy qusnıhat «kýfalyq» stılden bastaý alady. Bul «kýfa» jazýy Irannyń Kýfa qalasynyń ataýymen atalǵan, ol jylnamashylar men qusnıhatshylardyń ámirshisi sanalatyn haziret Álı ıbn Ábýtáliptiń (oǵan Alladan madaq!) esimimen tyǵyz baılanysty. Arab jazýynyń ishinde «Kýfı» jazýy basqa jazýlarǵa qaraǵanda óte kóp qoldanylady. Kallıgrafııa adamnyń ishki álemin, rýhanı bolmys-bitimin, jazba óneriniń tazalyǵy men ulylyǵyn kórsetip turady», - dep jazady baq.kz saıty.
Kórmede ırandyq sýretshi - kallıgraftardyń musylman oıý-órnekterimen beınelengen Qasıetti Qurandary jáne t.b. óner týyndylary kópshilikke tanystyrylady. Eki bólimnen turatyn kórmeniń birinshisinde, Quran aıattary beınelengen kartınalar qoıylǵan, ol «kýfı» jazýymen jazylǵan. Ekinshisinde, qazirgi Iran sheberleriniń ıslam men Quran taqyrybyna arnalǵan kallıgrafııa («nastalıq») jazýymen jazylǵan týyndylary qoıylady. Eksponattar qatarynda kallıgraf, sýretshi Týsı myrzanyń (Tegeran) shyǵarmalary da bar. Munan ózge kórmede «nastalık» jazýymen jazylǵan jeke sırek qoljazbalar men Qasıetti Quran basylymdary qoıylǵan.
