«Qasıetti Qazaqstan»: Ekspedıtsııa músheleri on kún boıy tek qazaqy jylqyny minip júredi
NUR-SULTAN. QazAqparat - Qazaq jylqylaryn dáripteý dástúrge aınalmaq. Erteń elimizde «Kıeli Qazaqstan» kópkúndik ekspedıtsııasy bastalady. Uly dalanyń atbegilik óneri Qazaqstan týrızmin damytýǵa serpin bermek, dep habarlaıdy Habar24 kz.
Uıymdastyrýshylar osy arqyly atty týrızmdi damytpaqshy. Salt attylar on kún ishinde Aqmola, Qaraǵandy, Pavlodar oblystary men Buırataý, Baıanaýyl ulttyq parkterin júrip ótedi. Ári táýligine 50-60 shaqyrymdy eńsermek.
«Jol jónekeı jaqyn mańdaǵy aýyldarda lager quramyz», - deıdi mamandar.
«Osy 10 kún ishinde atpen Baıanaýyl ulttyq parkine jetý kerekpiz. Onshaqty adam bolady. Nege osy ekspedıtsııada tek qazaqtyń aty bolady degenge kelsek, kún saıyn 50-60 shaqyrymǵa qazaq jylqylarynan basqa jylqylar shydamaıdy»,-deıdi Qazaqgeography RQB ǵylymı jáne ekspedıtsııa qyzmeti boıynsha departament dırektory Nurjan Alǵashov
