«Qasıetti qazaq eli» halyqaralyq óner festıvaliniń jeńimpazdary anyqtaldy
Aıtýly básekege 10 elden 50-ge jýyq ónerpaz qatysty, onyń ishinde óz elimizden basqa Qyrǵyzstan, Reseı, Túrkııa, Ózbekstan, Iran jáne taǵy basqa memleketterdiń ókilderi bar.
Festıval úsh baǵyt boıynsha ótti jáne ádilqazylar Gran-prıden bólek ár nomınatsııa boıynsha 3 júldeli oryn men yntalandyrý syıaqysyn taǵaıyndady.
«Atalǵan festıval «Rýhanı jańǵyrý» baǵdarlamasy aıasynda «Otandastar» qorynyń eń birinshi ótkizip jatqan sharasy. Qor ujymyna alǵys bildire otyryp, budan ári birlese jumys jasap, syrtta júrgen aǵaıyndarǵa osyndaı sharalar uıymdastyryp, ortaq maqsattardy oryndaýǵa biz árqashanda daıynbyz», - dedi QR Qoǵamdyq damý mınıstri Darhan Káletaev.
«Qasıetti qazaq eli» halyqaralyq óner festıvaliniń jeńimpazdary:
Festıvaldiń Gran-prıi júldesin Qytaıdan kelgen qandasymyz Jumataı Koksýbaı oljalady. Termeshige bas júldeni mınıstr D.Káletaevtyń ózi tabystady.
«Terme óneri» nomınatsııasy:
1 oryn Nurjigit Esxat (Qytaı);
2 oryn Janǵar Mámbetnazarov (Ózbekstan);
3 oryn Arman Qalelbekuly (Qazaqstan, Astana);
«Jyr músháırasy» nomınatsııasy:
1 oryn Shynarbek Jomartuly (Qazaqstan, Túrkistan oblysy);
2 oryn Narqulan Raıxanuly (Monǵolııa);
3 oryn Alash Tursynáliuly (Qytaı).
«Qolóner» nomınatsııasy:
1 oryn Habyl Qaıyp (Monǵolııa);
2 oryn Narǵyz Tineı (Túrkııa);
3 oryn Artyqbaı Smaǵulov (Reseı).
Jeńimpazdarǵa bas júldege 400 myń teńge, 1 oryn ıegerlerine 250 myń teńge, 2 orynǵa 150 myń teńge jáne 3 oryn jeńimpazdaryna 100 myń teńgeden tabystaldy, odan bólek, 11 qatysýshyǵa yntalandyrý syıaqysy taǵaıyndalsa, olarǵa 50 myń teńgeden berildi.
Astanadaǵy aıtýly festıvaldiń bastalǵany týraly buǵan deıin habarlaǵan bolatynbyz. Sheteldik otandastarymyzdyń elorda tórine jınalýyna uıytqy bolǵan Dúnıejúzi qazaqtarynyń quryltaıy men «Otandastar» qory. Shara QR Qoǵamdyq damý mınıstrliginiń qoldaýymen ótti.
