Qasıetti qara dombyra qazaq ónerin taǵy bir márte álemge áıgiledi
nbsp;ASTANA. Mamyrdyń 31-i. QazAqparat /Rızabek Núsipbekuly /- Qytaıdaǵy qandastarymyz qasıetti qara dombyramyz arqyly qazaqtyń ónerin taǵy bir márte álemge áıgiledi,
dep habarlaıdy QazAqparat Qytaıdyń «Táńirtaý» saıtyna silteme jasap.
Mamyrdyń 30-y, jeksenbi kúni Shynjańnyń Tarbaǵataı aımaǵyna qarasty Toly aýdanynda 28 ulttan quralǵan 10495 dombyrashy bir mezette «Keńes» kúıin shertip, Gınnestiń rekordtar kitabyna endi. Bul shyǵarma XIX ǵasyrda ómir súrgen qazaqtyń belgili kúıshisi Beısenbi Dónenbaıulynyń týyndysy.
Toly aýdanynyń ákimshiligi uıymdastyrǵan bul sharaǵa arnaıy shaqyrylǵan Dúnıejúzilik Gınness rekordtar kitabynyń Shanhaıdaǵy basqarmasynyń ýákili Nıe Jıyń Shýan, «on myń adamdyq dombyramen kúı shertýden Gınnestiń rekordtar kitabyna kirgendigi týraly» kýálikti aýdan ákimi Masan Zaǵyparulynyń qolyna tabys etti.
