Qasıetti Qaǵbany qajylyqqa daıyndaý jumystary júrip jatyr
ASTANA. 27 qyrkúıek. QazAqparat - Qajylyq qarsańynda qasıetti Qaǵbanyń kısýaǵyn ádettegishe Shazırvannan bastap (aq mármárdan qalanǵan Qaǵbanyń tómengi bóligi osylaı atalady) 3,5 metrge kóterdi, dep jazady muslim.kz.
Osynyń ózi yqııattylyqty qajet etetin, qajylyq qarsańynda júzege asyrylatyn úlken rásim ekenin aıta ketýimiz kerek.
Jabýdy kótergennen keıin onyń ústińgi bóligin maqtadan toqylǵan aq seıseppen kómkeredi.
«Qajylar qolymen janasyp qana qoımaı, tábárik alyp qalýǵa tyrysady. Qaǵbaǵa zaqym keltirmeý maqsatynda osyndaı jumystar júrgiziledi», - dedi kısýa ázirleıtin kásiporynnyń dırektory Muhammed Bajýja.
Bıyl qajylyq maýsymy qazan aıynyń ekiinshi jartysynda bastalatynyn aıta ketý kerek.
