Qasıetti Qaǵba 4 qabat matafpen qorshalmaq
ASTANA. QazAqparat - Qasıetti Mekkedegi Qaǵba qyrkúıek aıynyń basyna deıin 4 qabat aınalma matafpen (qajylar Qaǵbany aınalý kezinde júretin keńistik) qorshalatyn bolady.
Qasıetti qos meshit isi jónindegi bas prezıdenttiktegi joba menedjeri Sultan ál-Qurashı qazirgi ýaqytta qurylystyń 3 qabaty salynyp bitkenin habarlady. Ol 76 000 tekshe metr jerdi alyp jatyr. Ál-Qurashı ál-Haram meshiti saǵatyna 114 000 adamdy qabyldaı alatynyn da atap ótti. Barlyq qurylys jumystary qajylardyń qulshylyq rásimderin oryndaýyna kedergi keltirmes úshin 9 qyrkúıekke deıin aıaqtalýy tıis. Keńeıtý jumystary 14 qazanda qaıta jańǵyrtyla bastaıdy, dep habarlaıdy «Nur Astana» portaly.
