Qasıetti Ramazan aıy 11 naýryzda bastalady

ASTANA. KAZINFORM - Qazaqstan musylmandary dinı basqarmasynyń Sharıǵat jáne pátýa bólimi Túrkııa, Ázerbaıjan, Ózbekstan, Qyrǵyzstan t.b. elderdiń Ǵulamalar keńesimen, pátýa salasyna jaýapty ǵalymdarmen aqyldasa kele, bıylǵy Ramazan aıynyń bastalatyn kúnin bekitti.

Ortaq pátýaǵa sáıkes, qasıetti Ramazan aıy 11 naýryzda bastalady. Al sáýir aıynyń 5-nen 6-na qaraǵan tún – qasıetti Qadir túni. 10 sáýir – Oraza aıt merekesi.

Qazaqstan musylmandary dinı basqarmasynyń Tóralqa májilisinde pitir sadaqasy elimiz boıynsha eki keli unnyń ortasha baǵasy negizinde 640 teńge bolyp bekitildi.

Oblys, qala, aýdan jáne aýyldyń (barlyǵy 6000 eldi meken) oraza jáne namaz kestesin muftyat.kz saıtynan myna silteme boıynsha júktep alýǵa bolady.