Kásibı sportta meldonııge túbegeıli tyıym salyndy
ASTANA. QazAqparat - Búginnen bastap, kásibı sportshylardyń dopıng-synamalarynda meldonııdiń bolýyna túbegeıli tyıym salatyn zań kúshine endi. Osy kezden bastap, eger qandaı da bir sportshynyń qanynan meldonııdiń belgileri tabylatyn bolsa, ol WADA talaptary boıynsha sporttan shettetiledi, dep habarlaıdy Vestı.rý.
Tyıym salynǵan preparattardyń qataryna meldonıı bıylǵy jyldyń qańtar aıynyn bastap engizilgen bolatyn. Keshirek dopınge qarsy kúres agenttigi ótpeli kezeńdi belgiledi. Oǵan sáıkes, 3 aıdyń kóleminde sportshylarǵa synamada meldonııdiń bolýyna ruqsat etildi. Alaıda, bul jerde eki shart bar.
Birinshiden, atalǵan zattyń mólsheri synamada 1 mılılıtrge 1 mıkrogramnan aspaýy kerek. Ekinshiden, sportshynyń ony 1-qańtardan keıin paıdalanylǵany dáleldenýi kerek.
Ázirge buny tennısshi Marııa Sharapovaǵa ǵana dáleldeýdiń múmkindigi týdy. Ol Rıo Olımpıadasyna bara almaı qaldy.
