Kásibı merekede 100-ge jýyq baq ókilderi marapattaldy- OQO
ASTANA. QazAqparat - Ońtústik Qazaqstanda 28 maýsym - baılanys jáne aqparat qyzmetkerleriniń kúnine oraı, 100-ge jýyq buqaralyq aqparat quraldarynyń ókilderi marapattaldy.
Oblys ákimi B.Atamqulov pen oblys ákiminiń orynbasary U.Sádibekov jáne oblystyq máslıhat hatshysy Q.Aıtóreev jáne QR Jýrnalıster Odaǵynyń atynan tabystalǵan birqatar syı-sııapattar retin tarqatsaq.
Atap aıtqanda, Shymkenttegi «Grand Holidayhall» meıramhanasynda ótken saltanatty jıynda «Ońtústik Qazaqstan» gazeti bas redaktorynyń birinshi orynbasary qyzmetin atqarǵan ardager Asqankúl Maılybaeva men oblys ákiminiń foto tilshisi Hýsan Azızov «Oblysqa sińirgen Eńbegi úshin» medalimen marapattaldy. Jalpy bul kúni oblys ákiminiń Qurmet gramotasy men Alǵys haty salada aıanbaı eńbek etip júrgen 17 azamatqa tabystaldy.
Sonymen qatar, shara kezinde buqaralyq aqparat quraldaryndaǵy úzdik jarııalanym atalymy boıynsha birqatar BAQ pen jýrnalısterdiń mereıi ústem boldy. Máselen, «Táýelsizdigimizdiń 25 jyldyǵyn keńinen nasıhattaǵan úzdik telearna»nomınatsııasyn jergilikti «Aıǵaq» telearnasy alsa, Respýblıkalyq telearnalar arasynda «Eń úzdik aımaq tilshisi» nomınatsııasyn «Habar» telearnasynyń menshikti tilshisi Ábdez Rahmanuly men «KTK» telearnasynyń menshikti tilshisi Marına Nızovkına ıemdendi. Al Respýblıkalyq basylymdar arasynda «Eń úzdik aımaq tilshisi» atalymy «Vremıa» gazetiniń tilshisi Záýre Myrzahodjaeva jáne «Jas Alash» gazetiniń tilshisi Ǵalymjan Elshibaı laıyqty dep tanyldy. Sonymen qatar, «Táýelsizdigimizdiń 25 jyldyǵyn keńinen nasıhattaǵan úzdik basylym»nomınatsııasy «Janýbıı Qozoǵıston» gazeti men «Jebe» aqparattyq agenttigine berilse, «Altyn qaýyrsyn» atalymy Alısa Masalevaǵa («ıÝjnyı Kazahstan» gazeti), «Altyn mıkrofon» nomınatsııasy Rınat Hamıdýlınge («TVK» telearnasy) buıyrdy.
Aıryqsha aıta ketetin jaıt, bıyl BAQ ókilderin marapattaý rásimine tuńǵysh ret mınıstrlikterdiń marapattary qosyldy.
Mysaly, QR Aqparat jáne kommýnıkatsııalar mınıstrliginiń «Aqparat salasynyń úzdigi» tósbelgisimen «Qazaqstan-Shymkent» telearnasynyń bas rejısseri Arystan Otarbaev pen «Ońtústik Qazaqstan» gazeti bas redaktorynyń orynbasary Ertaı Bekqulov ıe boldy.
QR Investıtsııalar jáne damý mınıstrliginiń Prezıdenttiń júrgizip otyrǵan jańa ındýstrııalandyrý saıasatyn jáne mınıstrliktiń jumysyn halyqqa shynaıy jetkizýdegi qarymdy isteri úshin «Otyrar» telearnasynyń jańalyqtar bóliminiń redaktory Ardaq Jaqsylyqova men Shymkent qalasy ákimi baspasóz qyzmetiniń qyzmetkeri Nurshat Tóken marapattaldy.
Al QR Jýrnalıster Odaǵynyń «Qazaqstannyń Qurmetti jýrnalısi» medali «Qarjy» gazetiniń redaktory Slam Nurmaǵanbetov nagrattaldy.
Sonymen qatar, merekede «Otansúıgishtik memlekettik rámizderdi qurmetteýden bastalady» atty QR Memlekettik rámizderi týraly buqaralyq aqparat quraldaryndaǵy úzdik jarııalanymdar konkýrsynyń jeńispazdary men El Táýelsizdiginiń 25 jyldyǵyna arnalǵan «Oblystyń damýy fotograf kózimen» fotokonkýrsynyń úzdikterin jáne OQO ishki saıasat basqarmasynyń basshysy B.Tólegenniń arnaıy marapattaryn tabystaý rásimderi de nazardan tys qalǵan joq, dep habarlaıdyOQO ákiminiń baspasóz qyzmeti.
