Kásibı mereke qarsańynda Qaraǵandy oblysy ákiminiń syılyqtary aımaqtyń tańdaýly pedagogtaryna berildi
QARAǴANDY. 22 qyrkúıek. QazAqparat /Oga Petrenko/ - Qaraǵandyda oblys ákiminiń tańdaýly pedagogtarǵa jyl saıynǵy syılyqtaryn tapsyrý salatanaty ótti.
«Sizderdiń kásibı merekelerińiz qarsańynda biz dástúr boıynsha oblystyń tańdaýly pedagogtaryna syılyqtar tapsyrý saltanatyn ótkizemiz. Bul sharanyń elimiz Qazaqstan Táýelsizdiginiń 20 jyldyǵyna ázirlenip jatqan tusta ótýiniń mańyzy zor. Elbasy Nursultan Nazarbaevtyń bilim salasyna asa zor kóńil bólýiniń arqasynda ol memlekettik saıasattyń mańyzdy basymdyqtarynyń biri bolyp otyr jáne ony damytýǵa jańa múmkindik aldy», - dedi Qaraǵandy oblysynyń ákimi Serik Ahmetov.
Sońǵy 10 jylda bilim salasyna jumsalǵan qarjy 8 ese ósti, bıylǵy jyly onyń kólemi 54 mlrd.teńgege jetti, dep atap ótti oblys ákimi. «Osy kezeńde oblysta 12 jańa balabaqsha, 25 mektep salyndy. Tehnıkalyq jaraqtandyrý baǵdarlamasynyń aýqymynda tek sońǵy jyldyń ózinde keńjolaqty Internetke qosylǵan mektepter sany 36 paıyzdan 72 paıyzǵa deıin ósti. Sońǵy 5 jylda oblys pedagogtaryna 217 páter bólindi, 127 aýyldyq mektep muǵalimderi turǵyn úı satyp alýǵa jeńildikti nesıeler aldy», - degen mysaldardy tilge tıek etti S.Ahmetov. Jyl saıynǵy syılyq sońǵy alty jyl boıy tapsyrylyp keledi, bul muǵalim eńbegin qurmetteýdiń belgisi», dep atap kórsetti aımaq basshysy.
Oblystyq bilim basqarmasynyń aqparaty boynsha, konkýrsqa qatysýǵa 161 ótinim túsken. 200 myń teńge kólemindegi syılyq oblystyń 14 tańdaýly pedagogyna tapsyryldy. Bilim berýdi damytýǵa qosqan erekshe úlesi úshin eki balalar úıiniń basshylaryna 1 mıllıon teńgeniń sertıfıkattary tapsyryldy. Nagradany oblys ákimi jáne saltanatqa qatysqan QR Bilim jáne ǵylym mınıstri Baqytjan Jumaǵulov tapsyrdy.
