Kásibı mereke qarsańynda áskerı medıtsına qyzmetkerleri marapattaldy

ASTANA. QazAqparat - Elordada QR Qorǵanys mınıstrliginiń Bas áskerı klınıkalyq gospıtalinde «Medıtsına qyzmetkerleri kúni» qarsańynda áskerı medıtsına qyzmetkerleriniń saltanatty jınalysy ótti, dep habarlady QR Qorǵanys mınıstrliginiń baspasóz qyzmetinen.

Úzdik medıtsınalyq qyzmetkerler qatarynda QR QM Bas áskerı klınıkalyq gospıtaliniń meıirbıkeleri marapattaldy. Gospıtal bastyǵy medıtsınalyq qyzmet polkovnıgi Tımýr Oshaqbaevtyń atynan aǵa serjant Marhaba Ábdıeva, kishi serjant Sándigúl Muqataeva men Jamal Ómirzaqova, efreıtor Ámına Jamalıeva, sondaı-aq gospıtaldiń qyzmetkerleri Lıýbov Rýtskaıa, Darıǵa Esmaǵanbetova, Olga Voevoda, Kálımash Jumaqaeva men Marııa Tsymbal gramotalarmen marapattaldy. Al QR QK Bas áskerı-medıtsınalyq basqarmasynyń bastyǵy medıtsınalyq qyzmet polkovnıgi Baǵlan Álibekovtiń atynan aǵa ordınator m/q leıtenanty Áıgerim Muhamedıeva, leıtenant Altynbek Ábsadyqov, 3-synypty serjant Sholpan Rahımjanova, qyzmetker Lázzat Dosaeva men Aıdar Aqmoldaev, sondaı-aq m/q podpolkovnıgi Dáýlet Mýsın, qyzmetker Baqyt Ybyraeva, Zámzágúl Qurmanǵazına jáne Gúlnár Baıtaqova alǵys hattarmen marapattaldy. «Áskerı medıtsına memlekettik densaýlyq saqtaý júıesiniń quramdy bóligi. Onyń basty mindeti - áskerı qyzmetshiler men olardyń otbasylarynyń densaýlyǵyn saqtaý jáne nyǵaıtý», delingen habarlamada.