Kásibı qutqarýshylar apattar kezinde shuǵyl áreket etýden jarysty
QOSTANAI. QazAqparat - Almaty oblysynyń Tamǵaly tas shatqalynda ótken «Qazqutqarý-2017» respýblıkalyq jarysynda Qostanaı oblysynyń quramasy jeńiske jetti, dep habarlaıdy QazAqparat tilshisi.
Jyl saıyn ótetin «Qazqutqarý» baıqaýynyń negizgi mindeti - izdestirý, apattyq-qutqarý jumystaryn júrgizý jáne Tótenshe jaǵdaı komıtetiniń kásibı qutqarý qyzmetteri arasynda ózara is-qımyldy pysyqtaý daǵdylaryn jetildirý. «Qazqutqarý» respýblıkalyq jarysy osymen 22-inshi ret ótkizildi. Oǵan ІІM Tótenshe jaǵdaılar komıteti qutqarý bólimsheleriniń 14 komandasy qatysty.
Semınar nátıjesi boıynsha Qostanaı oblysy birinshi orynǵa ıe boldy. Ekinshi oryndy Respýblıkalyq jedel-qutqarý jasaǵynyń qutqarýshylary, úshinshi oryndy Ortalyq óńirlik aeroutqyr jedel-qutqarý jasaǵy qanjyǵalady.
«Qostanaılyq qutqarýshylar osy jarysqa qatysý arqyly edáýir tájirıbe jınady. Máselen, jarystyń «Ford» atty kezeńinde tehnogendik apattar jaǵdaıyndaǵy izdestirý-qutqarý jumystaryn úırendik. Biz bul semınarǵa 2003 jyldan beri qatysyp kelemiz. Nátıje jaman emes», - dedi Qostanaı oblysy soltústik óńirlik aeroutqyr jedel-qutqarý jasaǵy bastyǵynyń orynbasary Sergeı Shmıdt.
