Kásibı kommýnıkatorlardyń kóńil-kúı barometri jasaldy
ALMATY. Mamyrdyń 12-si. QazAqparat /Erlik Erjanuly/ - Kásibı kommýnıkatorlardyń 60,7 paıyzy iri halyqaralyq jobalardyń maqsaty - Qazaqstannyń halyqaralyq arenadaǵy jaǵymdy ımıdjin qalyptastyrý dep sanaıdy. Bul búgin Almatyda ótip jatqan VI Halyqaralyq PR forýmda aıtyldy,
dep habarlaıdy QazAqparat.
«ICC Advisors» agenttiginiń qoldaýymen "Kommýnıkatorlar barmotri" zertteý jumysy jasaldy. Qazaqstannyń sońǵy ýaqyttaǵy iri halyqaralyq jobalardaǵy naqty maqsaty qandaı degen saýalǵa kásibı kommýnıkatorlardyń 12,6 paıyzy halyqaralyq saıasatta yqpaldy oıynshy bolý dedi. 11,3 paıyzy ár jobanyń óz maqsaty bar dese, 7,5 paıyzy Qazaqstannyń damýy úshin stımýl jasaý dep sanaıdy. Al qalǵandary azamattardyń patrıottyq sezimin nyǵaıtý (1,2 paıyz), basty maqsaty joq (1,2 paıyz), eldiń naqty jetistikterin kórsetý (1,2 paıyz) degendi aıtyp otyr», deıdi PR Communications konsaltıng agenttiginiń bas dırektory Ásel Qaraýlova. Onyń aıtýynsha, zertteý jumysy kezinde, memlekettik qurylymdardyń aqparattyq saıasatty jasaý kezinde áleýmettik jáne marketıngtik zertteýlerdi qoldanýyn mamandardyń 60,4 paıyzy sırek, 14,8 paıyzy múlde qoldanylmaıdy dep sanaıdy. Al 12,3 paıyzy - jıi qoldanady, 9,8 paıyzy - bilmeımin dese, tek 2,4 paıyzy ǵana árdaıym qoldanady dep jaýap bergen. Sondaı-aq 52 paıyzy memlekettik qurylymdardyń aqparattyq saıasatyn jasaý vedomstvosy jetekshileri men keıbir sheneýnikterdiń jeke qyzyǵýshylyǵyna baǵyttalady. 32 paıyzy saıası tıimdilik úshin, 5 paıyzy óz jumystaryn ádil jáne obektıvti kórsetý úshin dese, 4 paıyzy basqa, al qalǵan 4 paıyzy aıtýǵa qınalamyn dep jaýap bergen.
