Kásibı fýtbolshylardyń úshten biri kúızelis pen ózge de psıhologııalyq aýyrtpalyqtan zardap shegedi
BRıÝSSELЬ. QazAqparat - Kásibı fýtbolshylardyń úshten bir bóliginen astamy kúızelis jáne ózge de psıhologııalyq aýyrtpalyqtan zardap shegedi. Bul týraly seısenbide jarııalanǵan Kásibı fýtbolshylar qaýymdastyǵynyń halyqaralyq federatsııasynyń (FIFPro) zertteýinde jazyldy.
FIFPro medıtsınalyq qyzmetiniń basshysy Vensan Gýttebarg jetekshilik etken zertteý 607 fýtbolshynyń 38%-y jáne 219 burynǵy oıynshynyń 35%-ynda kúızelis pen ózge de psıhologııalyq problemalardyń belgileri bar ekenin anyqtady.
«Bul zertteý múddeli tulǵalardy aqparattandyrýǵa septesip, olar atalǵan máselelerden zardap shegetinderge kómektesedi dep úmittenemiz», - dedi doktor Gýttebarg.
Sonymen qatar, saýalnama nátıjesi kórsetkendeı, úsh nemese odan da kóp jaraqat alǵan fýtbolshylar psıhıka máselesin eki-tórt ese kóbirek ataǵan.
Sonymen qatar qazirgi oıynshylardyń 23%-ynyń uıqysy buzylǵany, olardyń 9%-y ishimdikti kóp ishkeni belgili boldy.
