Kásibı býhgalterlikke kandıdattar tapsyratyn emtıhan sany kóbeıdi
Vedomtsvonyń málimdeýinshe, Qazaqstan Respýblıkasy normatıvtik quqyqtyq aktileriniń aqparattyq - quqyqtyq júıesinde 2 buıryqqa ózgerister men tolyqtyrýlar engizýdi kózdeıtin «Qazaqstan Respýblıkasy Qarjy mınıstriniń keıbir buıryqtaryna ózgerister men tolyqtyrýlar engizý týraly» Qazaqstan Respýblıkasy Qarjy mınıstriniń 2021 jylǵy 2 jeltoqsandaǵy № 1261 buıryǵy jarııalandy.
«Kásibı býhgalterlerdiń biliktiligin arttyrý qaǵıdalaryn bekitý týraly» 2014 jylǵy 25 maýsymdaǵy № 290 buıryǵy biliktilikti arttyrý júıesin jetildirý jáne ony úzdik praktıkaǵa sáıkes keltirý maqsatynda ázirlendi. Osylaısha, kásibı qoǵamdastyqtyń bastamasy boıynsha kásibı býhgalterlerdiń biliktiligin 3 jyl ishinde 120 saǵattan arttyrý talaby jylyna keminde 20 (jıyrma) saǵatqa aýystyryldy», delingen habarlamada.
Mınıstrliktiń aqparatynsha, kásibı býhgalterlerdiń biliktiligin arttyrýdan ótý kezinde býhgalterlerdiń kásibı uıymymen ózara is-qımyl jasaıtyn uıymdarǵa qosylýy alynyp tastaldy, bul olarǵa kásibı daǵdylaryn jetildirý ornyn tańdaýǵa múmkindik beredi.
«Kásibı býhgalterlerge kandıdattardy sertıfıkattaýdy júrgizý qaǵıdalaryn bekitý týraly» 2014 jylǵy 25 maýsymdaǵy № 291 buıryǵy biliktilikti arttyrý júıesin jetildirý jáne ony «Býhgalterlik esep pen qarjylyq eseptilik týraly» zańda «Qazaqstan Respýblıkasynyń keıbir zańnamalyq aktilerine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» 2020 jylǵy 13 mamyrdaǵy Qazaqstan Respýblıkasynyń Zańymen engizilgen kásibı býhgalterlerdiń Ádep kodeksine sáıkes keltirý maqsatynda júzege asyrylady», delingen habarlamada.
Sondaı-aq, 2022 jylǵy 1 qańtardan bastap kásibı býhgalterlikke kandıdattar úsh pánniń ornyna alty pán boıynsha emtıhan tapsyrady.
«Qarjylyq esep jáne halyqaralyq qarjylyq eseptilik standarttary boıynsha eseptilik, basqarýshylyq esep, qarjy jáne qarjylyq menedjment, salyqtar, quqyq (Azamattyq quqyq, Bank isi, saqtandyrý jáne zeınetaqy zańnamasy), etıka pánderinen emtıhan tapsyrady», delingen habarlamada.
Osylaısha, kásibı qoǵamdastyqtyń bastamasy boıynsha joba emtıhandardy onlaın rejıminde tapsyrý múmkindigin qarastyrady.
Sondaı-aq, ashyqtyqty qamtamasyz etý jáne sybaılas jemqorlyq táýekelderin boldyrmaý úshin komıssııa músheleriniń de, ýákiletti organ ókiliniń de is-áreketterin naqtylaý boıynsha qosymsha norma engizildi.
