Kásibı bilimge ekinshi sortty dep qaraıtyn qoǵamnyń kózqarasyn ózgertý kerek - Q. Toqaev
ASTANA. QazAqparat - Orta kásibı bilimge ekinshi sortty dep qaraıtyn qoǵamnyń kózqarasyn ózgertý kerek. Búgin Senatta «Qazaqstan Respýblıkasyndaǵy orta tehnıkalyq jáne kásiptik bilim berý júıesin damytýdyń bolashaǵy men ony zańnamalyq turǵydan qamtamasyz etý sharalary» atty ǵylymı-tájirıbelik konferentsııa barysynda sóz sóılegen palata spıkeri Qasym-Jomart Toqaev osylaı málim etti.
«Bizdiń aldymyzda orta kásibı bilim berýge ekinshi sortty bilim dep qaraıtyn qoǵamnyń qatyp qalǵan kózqarasyn ózgertý mindeti tur. Bizdiń kásibı bilim berý júıemiz qazaqstandyq jastardy ómirdiń pragmatıkalyq qadamdaryna baǵdarlaýy kerek, olardy mindetti túrde bilim men daǵdyǵa yntalandyrýy tıis», dedi Senat Tóraǵasy konferentsııany ashý barysynda. Onyń aıtýynsha, damyǵan kásibı bilim jumyssyzdyqpen kúrestegi asa mańyzdy tıimdi shara bolyp tabylady.
«Sondyqtan da, fılolog, dıplomat pen zańger dıplomymen jumyssyz otyrǵannan góri tehnıkalyq mamandyq alyp, eńbek naryǵynda suranysqa ıe bolý, qarajat tabý mańyzdy ekenin jastar túsinýleri kerek», dedi Senat Tóraǵasy.
Onyń sózine qaraǵanda, qazirgi tańda Qazaqstanda jumyspen qamtylǵan halyqty 30 paıyzynyń ǵana kásiptik bilimi bar.
«Al 32 paıyzy joǵary oqý ornyn bitirgen bolsa, 38 paıyzdan astamy mektepten keıin bilimderin múldem jetildirmegen», - dedi spıker Q. Toqaev
