Qashyqtyqtan jumys isteýge múmkindigi bar barlyq kásiporyndar osy rejımge aýysýǵa mindetti
Bul týraly QR Eńbek jáne halyqty áleýmettik qorǵaý mınıstri Birjan Nurymbetov Ortalyq kommýnıkatsııalar qyzmetindegi brıfıngte aıtyp berdi.
«Eldegi tótenshe jaǵdaıǵa baılanysty birqatar qyzmetkerlerdiń jumys rejımi ózgerýde. Osy oraıda jumys berýshilerge úlken áleýmettik jaýapkerishlik tanytyp, eńbek zańnamasyn tolyq saqtaýǵa shaqyramyn. Jáne de jumysshylar óz eńbek quqyqtaryn bilýi óte qajet», - dep atap ótti mınıstr.
Onyń aıtýynsha, búgingi tańda barlyq kásiporyndar, mekemeler qashyqtyqtan jumys isteýge múmkindigi bolsa, onda qashyqtyqtan jumys isteý rejımine kóshýge mindetti. Bul Eńbek kodeksiniń 138-babymen retteledi.
«Qashyqtyqtan jumysqa kóshkende, eńbekaqy tóleý táirtibi ózgermeıdi. Bul jerde azamat óziniń jumys ornynda emes, úıden jumys atqarý múmkindigi bolady. Eńbek kodeksi boıynsha, oǵan jumys berýshi tıisti jaǵdaı jasaýǵa mindetti jáne jalaqysy aı saıynǵy alyp júrgen kólemde tólenetin bolady», - dedi B. Nurymbetov.
Eske sala ketsek, QR Prezıdentiniń Jarlyǵymen Dúnıejúzilik densaýlyq saqtaý uıymynyń jańa COVID-19 koronavırýsyn pandemııa dep jarııalaýyna baılanysty azamattardyń ómiri men densaýlyǵyn qorǵaý maqsatynda Qazaqstan Respýblıkasynyń barlyq aýmaǵynda 2020 jylǵy 16 naýryz 08 saǵat 00 mınýt pen 2020 jylǵy 15 sáýir 07 saǵat 00 mınýt aralyǵynda tótenshe jaǵdaı engizildi.
Sondaı-aq, Qazaqstan azamattaryna 15 sáýirge deıin el aýmaǵynan shyǵýǵa tyıym salyndy.
