Qashyqtan sabaq oqytqan aqtóbelik muǵalimderdiń shyǵyny óteldi

AQTÓBE. QazAqparat – Aqtóbelik muǵalimder qashyqtan sabaq bergen kezde jaryq, ınternet jelisine tólegen aqyny óndirip aldy, dep habarlaıdy QazAqparat tilshisi.

Aqtóbe oblysynyń prokýratýrasy 2020 jyldyń 1-sáýirinen bastap 15 myńnan astam muǵalimniń qashyqtan sabaq bergenin anyqtady.

Barlyǵy 138 myńnan astam oqýshy onlaın bilim alǵan. Prokýratýra muǵalimderdiń shyǵynyn eseptep, birneshe zańsyzdyqty anyqtady.

«Eńbek kodeksiniń 138-babyna sáıkes jumys berýshi jumyskerge kommýnıkatsııa quraldaryn (baılanys quraldaryn) beredi jáne olardy ornatý men olarǵa qyzmet kórsetý jónindegi shyǵystardy óteıdi. Qyzmetker óziniń kommýnıkatsııa quraldaryn turaqty negizde paıdalanǵan jaǵdaıda jumys berýshi ótemaqy tóleıdi. Onyń mólsheri men tóleý tártibi qyzmetkermen kelisim boıynsha belgilenedi. Máselen, Aqtóbe oblysy Qobda orta mektebiniń aǵylshyn tili muǵalimi A.Qyzylǵulova sáýir-mamyr aralyǵynda elektr energııasyna, ınternetke jáne basqa da kommýnaldyq shyǵystarǵa 2000 teńge artyq aqy tólegen «, - dep habarlady Aqtóbe oblysy prokýratýrasynyń baspasóz qyzmeti.

Prokýratýra tekserýinen soń 10,2 mln teńge shyǵyn óteldi. Óńirde 15 myńnan astam pedagogtyń quqyǵy qorǵaldy.