Qashyqtan sabaq beretin muǵalimder arnaıy kýrstan ótedi - mınıstr
«Qashyqtan oqytý formatynda pedagogtarǵa qoıylatyn birqatar talap bar. Birinshiden, ІT tehnologııasy boıynsha talap. Olar ІT tehnologııasy, ınternet platformasy, ınternet júıesimen jumys isteı bilýi kerek. Biz daıyndaǵan biliktilikti arttyrý kýrstarynda muǵalimderge osymen jumys isteýge úıretemiz», - deıdi Bilim jáne ǵylym mınıstri Ashat Aımaǵambetov.
Ol ekinshi másele sabaq berý ádistemesi, kıberpedagogıka, balalardyń oqý úlgerimin qalaı baǵalaý kerektigi jáne sabaqty qalaı berý kerektigi týraly ekenin aıtty.
«Synypta sabaq berý men qashyqtan sabaq berýdiń aıyrmashylyǵy óte kóp. Oqý ádistemesi turǵysynan qaraǵanda bul óte mańyzdy protsess, sol sebepti aldymyzda áriptesterimizdiń kásibı biliktiligin arttyrý máselesi tur. 20 shildeden bastap muǵalimder eńbek demalysynan jumysqa shyǵa bastaıdy. Sol kezde osy kýrstardan ótedi», - deıdi ol.
