Qashyqtan oqytýdy dástúrli rejımge kóshýdiń qıyndyǵy bolady - Ashat Aımaǵambetov

NUR-SULTAN. QazAqparat – Endi qashyqtan oqytý formatynan dástúrli formatqa kóshirý qıyn jumys bolady. Bul týraly Bilim jáne ǵylym mınıstrliginiń alqa májilisinde vedomstvo basshysy Ashat Aımaǵambetov aıtty, dep habarlaıdy QazAqparat tilshisi.

«Taǵy bir másele – ol qashyqtan oqytý tetikterin jetildirý. Pandemııa aıaqtalǵannan keıin ýnıversıtetter, kolledjder men mektepterde qaı mólsherde jáne qandaı jaǵdaıda qashyqtan oqytý tetigin damytamyz degen óte mańyzdy suraq bolyp tur. Sondyqtan bul máseleni de pysyqtap jatyrmyz. Qazirgi kezde birte-birte mektepter ashylyp jatyr. Desek te qıyn mindet mektepterdi jaýyp, osyndaı qashyqtan oqytýǵa kóshirý emes, ıaǵnı, kerisinshe, endi qashyqtan oqytý formatynan dástúrli formatqa kóshirý qıyn jumys bolady. Sondyqtan osy máseleni jan-jaqty qarastyryp, tıisti jumysta atqarýymyz kerek», - dedi A. Aımaǵambetov.

Onyń aıtýynsha, bul baǵytta mınıstrlik arnaıy baǵdarlama ázirlenip daıyndaldy.

Budan buryn habarlanǵandaı, mınıstr pedagogtardy tán emes qyzmetterge ári kózdelmegen esepterge tartýdan bosatý sharalary qabyldanǵanyn aıtty.

Aıta keteıik, pedagog mamandyǵyn tańdaǵan «Altyn belgi» ıegerleri eki e sege jýyq ulǵaıdy.