Qashyqtan oqytýda bastaýysh synyp oqýshylaryna ata-ananyń qoldaýy kerek
NUR-SULTAN. QazAqparat – QR Bilim jáne ǵylym vıtse-mınıstri Sholpan Karınova qashyqtan oqytý kezinde bastaýysh synyp oqýshylaryna ata-ananyń qoldaýy kerektigin aıtty, dep habarlaıdy QazAqparat tilshisi.
«Tórtinshi toqsandy qashyqtan oqytýǵa baılanysty balaǵa birinshi apta qıyn bolatyny túsinikti. Osy jaǵdaıda balaǵa ata-ananyń qoldaýy óte qajet. Sondyqtan ata-ana balasyna qolaıly jaǵdaı jasap, ústeli men oqý quraldaryn birge daıarlap, emotsııalyq ári psıhologııalyq jaǵynan kómektesýi kerek. Kóbine bastaýysh jáne orta býyn oqýshylaryna eresekter óz tarapynan qoldaý jasaýy tıis», - dedi vıtse-mınıstr onlaın brıfıngide.
Sonymen qatar Sholpan Karınova qashyqtan oqytý kezinde búgin tańerteń bastaýysh synyp oqýshylary bilim berý júıelerin belsendi paıdalanǵanyn aıtty. Jalpy, oqýshyǵa taqyrypty túsindirý tek telesabaq kezindegi 10 mınýttyq vıdeomen shektelmeıdi .
Budan buryn habarlanǵandaı, qashyqtan oqytý kezinde muǵalimderden esep berý talap etilmeıdi.
