Qashyqtan oqytý turǵysynda Kúndelik júıesin nyǵaıtý kerek

NUR-SULTAN. QazAqparat - QR Tsıfrlyq damý, ınnovatsııa jáne aeroǵarysh ónerkásibi mınıstri Asqar Jumaǵalıev Qazaqstanda mektep oqýshylaryna onlaın túrde sabaq berý nelikten múmkin bolmaǵanyn túsindirdi, dep habarlaıdy QazAqparat tilshisi.

«Búginde strımıngtik júıelerdi paıdalaný arqyly oqytýdy uıymdastyrý múmkin bolmaı tur. Sebebi atalǵan júıeler osynshama aýqymdy paıdalanýshyǵa qyzmet kórsetýge daıyn emes jáne eleýli júktemeni sezinip otyr», - dedi mınıstr «Habar 24» telearnasynyń tikeleı efırinen.

Onyń sózine qaraǵanda, 1 sáýirde tıisti testileý júrgizilgen, alaıda sheteldik Zoom servısi mektep oqýshylaryna qyzmet kórsetý boıynsha júktemeni kótere almady.

Sonymen qatar ol búginde barsha álemde ınternetpen ári túrli servısterdiń jumysynda problemalar bar ekenin jetkizdi. Barlyq álem elderinde tehnıkalyq qýatty eki esege arttyrý qajettigi týyndady.

Onyń sózine qaraǵanda, QR Bilim jáne ǵylym mınıstrliginde tıisti Kundelik júıesi bar.

«Kúndelik júıesin birshama nyǵaıtý kerektigi túsinikti bolyp tur, ıaǵnı qashyqtan keńeıtilgen túrde oqytýdy usyný úshin optsııalar turǵysynda jetildirý qajet», - dedi A. Jumaǵalıev.