Qashyqtan oqytý: Muǵalimder men oqýshylarǵa arnalǵan tarıftik jospar iske qosylýy múmkin

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev muǵalimder men oqýshylarǵa arnaıy tarıftik jospar shyǵarý máselesi pysyqtalyp jatqanyn málim etti, dep habarlaıdy QazAqparat tilshisi.

«Uıaly baılanys operatorlary men muǵalimder men oqýshylarǵa arnalǵan tarıftik jospar shyǵarý máselesi pysyqtaldy. Bul tarıftik jospar muǵalim men oqýshy arasyndaǵy lımıtsiz qońyraýlardy, sondaı-aq Bilim jáne ǵylym mınıstrligi belgilegen bilim berý otandyq resýrstaryna qoljetimdilikti qarastyrady», - dedi Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev Úkimet otyrysynda.

Onyń aıtýynsha, bul qashyqtyqtan oqytýǵa kóshýge, sondaı-aq, elimizdiń shalǵaı eldi mekenderinde elektrondyq qyzmet kórsetýge múmkindik beredi.