Qashyqtan oqytý: Atyraý oblysyndaǵy shalǵaı aýyldarǵa ınternet tartylady

NUR-SULTAN. QazAqparat – Atyraý oblysyndaǵy ınternet baılanysy nashar eldi mekenderdiń máselesi sheshiledi. Bul týraly Ortalyq kommýnıkatsııalar qyzmetindegi baspasóz máslıhatynda málim boldy, dep habarlaıdy QazAqparat tilshisi.

Baspasóz máslıhatynda Atyraý oblysyndaǵy keıbir eldi mekende ınternet sapasy nashar bolýyna baılanysty oqýshylar qashyqtan oqýda qıyndyqtarǵa tap bolǵany týraly suraq qoıyldy.

Óz kezeginde QR Tsıfrlyq damý, ınnovatsııalar jáne aeroǵarysh ónerkásibi mınıstrligi Baılanys salasyndaǵy memlekettik saıasat jáne ınfraqurylym departamentiniń dırektory Gúlnár Bókeeva bul máselege qatysty buǵan deıin saýal bolǵanyn jetkizdi.

«Biz osy máseleni baılanys operatorlarymen qarastyrǵan bolatynbyz, qazan aıynyń sońyna deıin tıisti eldi mekenge ınternet tartylýy kerek. Osy aýyldardaǵy balalar ınternattarda oqýy tıis edi, alaıda indetke baılanysty ata-analary balalaryn úıde qaldyrdy. Sondyqtan osyndaı jaǵdaı oryn aldy», - dedi G. Bókeeva.

Budan buryn habarlanǵandaı, Ortalyq kommýnıkatsııalar qyzmetinde mektep oqýshylaryna arnalǵan «DDaryn.online men Kundelik.kz platformalary birigip jatqany málim boldy.