Qashyqtan oqýdan únemdelgen qarajat qaıda jumsaldy - Bilim basqarmasy

NUR-SULTAN. QazAqparat - Elordalyq Bilim basqarmasynyń basshysy Sholpan Qadyrova karantındik rejımde qansha qarajat únemdelgenin aıtyp berdi, dep habarlaıdy QazAqparat tilshisi.

«Qashyqtan oqytylǵan úshinshi-tórtinshi toqsanda bizde 1,5 mlrd teńge únemdeldi. Onyń 549 mln teńgesine kóp balaly jáne az qamtylǵan otbasy balalary úshin 2 613 noýtbýk pen sheksiz ınterneti bar 5 200 roýter satyp aldyq. Osylaısha, qashyqtan oqytý máselesin sheshtik. Qalǵan 600 mln teńgeni bilim berý uıymdaryn beınebaqylaýmen jabdyqtaýǵa jumsaýdy josparlap otyrmyz», - dedi basqarma basshysy «ANTIKOR» ortalyǵynda ótken onlaın konferentsııada.

Onyń aıtýynsha, sońǵy úsh jylda bilim berý uıymdarynyń basshylary arasynda 7 jemqorlyq faktisi anyqtalǵan.

«Onyń árqaısysy boıynsha aldyn alý jáne jaýapqa tartý sharalary júrgizilip jatyr. Qylmystyń aldyn alý boıynsha dástúrli ádistermen qatar, birneshe jańa jobalar da jasaldy. Bilim berý basqarmasy men astanalyq Sybaılas jemqorlyqqa qarsy departament arasynda yntymaqtastyq týraly memorandým bekitilgen. Memorandým boıynsha, uos uıym mektepke deıingi, orta jáne tehnıkalyq bilim berýdegi sybaılas jemqorlyq faktilerin birge anyqtaıdy», - dedi Sh. Qadyrova.