Qashyqtan oqýda elordalyq oqýshylardyń tamaqtanýyna bólingen qarjy qalaı ıgerildi
NUR-SULTAN. QazAqparat - Elorda mektepterinde bilim alatyn 1-4 synyp oqýshylaryn tamaqtandyrý úshin 2020 jylǵa 5 mlrd 200 mln teńge bólingen. Bul týraly Nur-Sultan qalalyq bilim basqarmasynyń basshysy Sholpan Qadyrova aıtty, dep habarlaıdy QazAqparat tilshisi.
«2020 jylǵa arnalǵan bıýdjette 1-4 synyp oqýshylarynyń tamaqtanýyn uıymdastyrý úshin 5 mlrd 200 mln teńge somasynda qarjy qarastyrylǵandyǵyn túsindire keteıin. Ótken oqý jylynyń 4-toqsanynda oqýshylardy tamaqtandyrý boıynsha únemdelgen 1 mlrd 600 mln teńge qashyqtan oqytýdy uıymdastyrýǵa qaıtadan bólindi. Onyń ishinde kompıýterlik tehnıka satyp alýǵa, ınternet baılanysy, sonymen qatar barlyq bilim berý uıymdaryna beıne baqylaý kameralaryn ornatýǵa jumsaldy», - dedi ol elorda ákimdiginde ótken baspasóz máslıhatynda.
Onyń naqtylaı túsýinshe, atalǵan qarjyǵa 5 200 roýter, 2 613 kompıýterlik tehnıka satyp alynyp, bilim berý uıymdaryna beıne baqylaý kameralary ornatylǵan.
