Kashmırlik 141 jastaǵy qarııa álemniń eń qart turǵyny atalýy múmkin
ASTANA. 22 shilde. QazAqparat - Kashmırdegi qarııanyń qujattary retteletin bolsa, ol álemniń eń qart turǵyny atanýy múmkin. Bul týraly muslim.kz saıty jazady.
ANI agenttiginiń habarlaýyna qaraǵanda, Kashmırdiń soltústiginde oryn tepken Ýrı aýdanyndaǵy taýly óńirde ómir súretin Fıroz ýd-Lın Mır qolyndaǵy qujaty boıynsha 1872 jyldyń 10 naýryzynda dúnıege kelgen. Endeshe bıyl onyń jasy 141-ge toldy. Tórt ret úılenip, jar qyzyǵyn armansyz kórgen onyń qazirgi áıeli ózinen 60 jas kishi ekenin aıta ketý kerek.
«Fıroz ýd-Lın Mır álemniń eń qart turǵyny retinde belgili japon qarııasy Mısao Okavadan 27 jas úlken. Jemis-jıdek pen jańǵaq satýdy kásip etken qarııa áli de tyń», - dep jazady muslim.kz.
