Kashmırdi tuńǵysh ret áıel adam basqaratyn boldy
ASTANA. QazAqparat - Úndistandyq Djammý jáne Kashmır shtatyn alǵash ret áıel basqaratyn boldy. 56 jastaǵy Mehbýbý Múftı óziniń ákesi jáne burynǵy óńirdik bas mınıstri Múftı Mýhammad Saıed dúnıeden ozǵan soń aımaq tizginin qolyna aldy.
Eske sala ketsek, shtattyń bas mınıstri laýazymy úsh aıdaı bos bolǵan. Buǵan Múftı quramynda alynǵan Ulttyq-demokratııalyq partııa men Úndistandaǵy bıliktiń «Bharatııa djanata partııasy» arasyndaǵy kelispeýshilik sebep boldy.
Sáýirdiń basynda taraptar kelisimge keldi, onyń keı tustary áli qupııa ustalyp otyr.
Djammý jáne Kashmır aýmaǵy úshin Pákistan men Qytaı daýlasyp jatyr. Pákistan bıligi úndistandyq shtattyń bir bóligin «jaýlap alynǵan aýmaq» dep sanaıdy.
Djammý men Kashmır - turǵyndarynyń deni (shamamen 70%) ıslam dinin ustanatyn Úndistandaǵy jalǵyz shtat.
