Kashmırdegi nóser men kóshkin: bir úıdiń jeti adamy tirideı kómilip qalǵan

ASTANA. KAZINFORM — Úndistan baqylaıtyn Kashmır aımaǵynda senbi kúni tolassyz nóser men kóshkin saldarynan keminde 11 adam qaza taýyp, bir adam habar-osharsyz ketti, dep habarlaıdy 

Sınhýa.

Resmı ókilderdiń aıtýynsha, tabıǵı apat Srınagardyń ońtústigindegi Reası men Ramban aýdandarynda bolǵan.

— Tańerteń erte Reası aýdanynyń Karara aýylynda jaýyn-shashynnan keıin bolǵan kóshkin bir úıdi basyp qalyp, bir otbasynyń jeti múshesi tirideı kómilip qalǵan. Aýyl turǵyndary máıitterdi ózderi alyp shyqty, — dedi jergilikti bılik ókili.

Sondaı-aq Ramban aýdanynyń Radjad aýylynda taǵy tórt adam qaza taýyp, bir adam iz-tússiz joǵalǵan.

Osyǵan deıin habarlanǵandaı, Úndistandaǵy aýyldy qýatty sel basyp, tórt adam qaza tapty.