Kashmırde týrısterge shabýyl jasaýy múmkin kúdiktilerdiń úıleri súrilip jatyr

ASTANA. KAZINFORM – Úndistan bıligi 26 adam qaza bolǵan, týrısterge jasalǵan shabýylǵa qatysy bolýy múmkin degen kúdikpen Kashmırdiń 10 turǵynynyń úıin súrip tastady.

1500-den astam adam tergelip jatyr dep habarlaıdy BBC.

Úılerdi súrý jumystary shabýyldan soń úsh kún ótkenen keıin bastaldy. Bul isti jedeldetý úshin jarylǵysh zat qoldanyldy.

Resmı túrde bılik úılerdi jarý áreketin shabýylmen baılanystyryp otyrǵan joq. Alaıda úılerdiń kúdik týdyrǵan sodyrlardiki ekeni anyq.

Keıbir sheneýnikter sodyrlarmen kúresti qoldaǵanymen beıbit turǵyndardyń úılerin surý áreketiniń zańdy ekendigine kúmánmen qarap otyr.

Djammý men Kashmırdiń bas mınıstri Omar Abdýlla kinálilerdi jaýapqa tartpaýǵa shaqyrdy.

Úndistan men Pákistan shekarasynda atys júrip jatyr. Úndistan bıligi Pákistandy sodyrlardy qoldady dep aıyptady. Alaıda olar qandaı da bir toptyń atyn atap otyrǵan joq. Pákistan bul aıypty moıyndamady.

Kashmır 70 jyldan beri daýly aımaq sanalady. 20 sáýir kúni týrısterge shabýyl óńirdegi keıingi 20 jyldan beri alǵash ret bolyp otyrǵan qandy terakt.

Aıta keteıik, osyǵan deıin Úndistannyń soltústigindegi Djammý men Kashmır odaqtas aımaǵynda bolǵan qarýly shabýyldan keminde 25 týrıst qaza taýyp, 20-ǵa jýyq adam jaraqat alǵan týraly jazdyq.