Kashmır bıligi ulan-asyr toı jasaýǵa tyıym saldy
ASTANA. QazAqparat - Úndistandyq Djammý jáne Kashmır shtatynda sáýirden bastap ulan-asyr toı jasaýǵa tyıym engizedi: qalyńdyqtyń ata-analary 500-den artyq qonaq shaqyra almaıdy, al kúıeý jaǵynan shaqyrylǵan qonaqtar sany 400 adamnan aspaýy tıis.
Budan basqa, toıda ysyrapqa jol bermes úshin jeti negizgi taǵamnan artyq as berilmeıdi.
Óńirlik parlament músheleriniń biri bul tyıymdy Úndistannyń barlyq aýmaǵyna taratýdy usyndy.
Ókim úılený toılaryndaǵy abyr-dabyr shýǵa, taǵamdardyń ysyrap bolýyna baılanysty azamattardan kóptegen shaǵymdar túsken soń qabyldanǵan.
Bul tyıym 1984 jyly engizilgen bolatyn, alaıda jappaı narazylyqtar bolǵan soń, alyp tastalǵan.
Sońǵy jyldardaǵy ulan-asyr jasalǵan úılený toılary:
2004 jyly úndistandyq mıllıarder Lashkmı Mıttaldyń qyzy Vanıshı Mıttaldyń toıyna 74 mln. dollar jumsalǵan. Forbes derekterine sáıkes, 1000 qonaq jańa otasqandardyń otbasy esebinen Frantsııaǵa jiberilgen, ózderi rásimdi Versalda bastaǵan.
Hanzada Charlz ben hanshaıym Dıananyń toıy 1981 jyly boldy. Keı derekterge sáıkes, toı 30 mln. fýntqa jasalǵan. Onyń uly hanzada Ýılıamnyń neke qııý rásimi sál arzandaý - 20 mln. fýntqa túsken, dep jazdy Daily Mail.
Ótken jyly naýryzda Máskeýde mıllarder Mıhaıl Gýtserıevtiń uly Saıd Gýtserıev pen Hadıja Ýjahovanyń toıy ótti. MailOnline habarlaǵandaı, qalyńdyqtyń kóıleginiń ózi 1,2 mln dollar turǵan. Toıǵa ártister Djennıfer Lopes, Stıng jáne Enrıke Iglesıas shaqyrtylǵan.
