«Qashǵarlyq odısseıa» fılminiń premerasy ǵalamtorda kórsetile bastady (FOTO, VIDEO)
ASTANA. QazAqparat - Ýálıhanov ekspedıtsııasyna qatysýshylar erekshe jańa jyldyq syılyq jasady. 29 jeltoqsanda «Qashǵarlyq odısseıa» fılminiń ınternet-premerasy ótti, dep habarlady avtorlar.
Bul derekti kartınanyń avtorlary Vıtalıı Dvoretskıı men Oleg Belov Ýálıhanovtyń belgili saıahatynyń qytaılyq bólimi qalaı qaıtalanǵanny aıtty. 2015 jyly Shoqannyń 180 jyldyǵy toılandy. Fılm premerasy mereıtoıǵa arnalǵan sharalardyń ózindik qorytyndysy ispettes boldy.
«Biz Tıan-Shan taýlary arqyly ótetin eń qıyn joldy tańdadyq, - dedi Ýálıhanov ekspedıtsııasynyń jetekshisi Máýlen Esimhanov. - Ekspedıtsııamyzdyń maqsaty - Shoqannyń barlyq baǵytyn qaıtalaý. Jobamyzdyń basty bóligi Qashǵarııaǵa saıahat jasaý. Shoqan 1858 jyly semeılik kerýenniń kópesi retinde barǵan Kashǵarııa qalasy onyń ómirindegi basty qala boldy. 2009 jyly Shoqannyń Qashǵarııa saıahatynyń qyrǵyzdyq bóligimen óttik. Al 2014 jyly bul baǵyttyń qytaılyq bóligin qaıtaladyq. Onyń qashǵarlyq esebiniń kóp bóligi áli kúnge deıin qupııa bolyp otyr. Bul Shoqannyń Qashǵardaǵy ómir ereksheligi týraly maǵlumattar ózektiligin joǵaltpaǵandyǵyn kórsetedi».
«Jaqyn arada «Qashǵarlyq odısseıa» Almaty oblystyq «Jetisý» arnasynda kórsetiledi. Sondaı-aq, respýblıkalyq habar taratýshylarmen kelissózder júrgizdik, olardyń arasynda tolyǵymen saıahattarǵa arnalǵan «Turan» telearnasy bar, deıdi fılm rejısseri jáne operatory Vıtalıı Dvoretskıı.
