Kashemırge suranystyń kúrt artýy qar barysyna qaýip tóndirdi
ASTANA. 24 shilde. QazAqparat - Taıaýda jarııalanǵan zertteýge súıensek, álemdegi kashemırge degen suranystyń eselenýi onsyz da joıylýdyń aldynda turǵan qar barysyna nemese qar qabylanyna qaýip tóndirýde.
Bul týraly BI-Bı-Sı habarlaıdy.
Kashemırge suranystyń artýyna baılanysty sońǵy 20 jylda Ortalyq Azııada kóbeıtiletin úı kashemır qozylarynyń sany úsh ese joǵarylaǵan. Nátıjesinde atalmysh qozylar qar barysynyń tabıǵı mekendeıtin ortasyna enip barady.
Bul shópqorektilerge áser etip otyr. Olarǵa kıiktiń bókeni (Saiga tatarica), tıbettik bóken Pantholops hodgsonii), kópshilikke kók qoshqar retinde tanymal gımalaı qoshqary (Pseudois nayaur) jatady.
Kashemır qozylary qar barystarynyń tabıǵı ortasynda jaıylyp, olardyń azyǵyna ortaqtasqandyqtan, barystar qozylarǵa shabýyldaýǵa májbúr.
Óziniń tabynyn qorǵaý úshin baqtashylar qar barystarynyń kózin qurta bastady.
