Qashaǵannyń alǵashqy munaıy sáýir-mamyr aılarynda ıgeriledi - S. Myńbaev
Bul týraly búgin QR Parlament Senatynda «2013-2015 jyldarǵa arnalǵan respýblıkalyq bıýdjet týraly» zań jobasyn talqylaý barysynda Munaı jáne gaz mınıstri Saýat Myńbaev málim etti.
Mınıstrdiń aıtýynsha, 2008 jyly qol qoıylǵan shartqa sáıkes eger Qashaǵannyń birinshi fazasy boıynsha ıgeriletin munaı merzimi 2010 jyldyń qazan aıynan asqan bolsa, onyń shyǵystary respýblıkalyq bıýdjetke qaıtarylmaıtyny kelisilgen bolatyn. Budan bólek Qashaǵan konsortsıýmy munaıdy ıgerýdiń alǵashqy fazasyn aǵymdaǵy jylǵy jeltoqsan aıyna josparlaǵan edi.
«Al, bıylǵy qol qoıylǵan shartqa sáıkes Qashaǵan boıynsha kelesi jyldyń 1 maýsymyna deıin alǵashqy munaı ıgerilýi tıistigi kórsetilgen. Bizdiń josparymyzǵa sáıkes Qashaǵan jobasynyń alǵashqy munaıy maýsym aıynan erterek, sáýir aıyna qaraı bolady dep boljaımyz. Onyń kólemi jylyna 13 mln. tonnany quraıdy. Ary qaraı kelesi fazany júzege asyrý barysynda anyqtalady. Túıindeı kelgende Qashaǵannyń alǵashqy munaıy kelesi jyldyń sáýir-mamyr aılarynda berile bastaıdy dep senemiz»,-dedi S. Myńbaev.