Qashaǵanǵa qajetti qubyrlar Germanııa men Japonııadan kelip jatyr - QR Energetıka mınıstrligi

ASTANA. QazAqparat - Qashaǵandaǵy jumystar jospardan jyldamyraq júrip jatyr. Búgin Ortalyq kommýnıkatsııalar qyzmetindegi baspasóz máslıhatynda QR Energetıka birinshi vıtse-mınıstri Uzaqbaı Qarabalın osylaı málimdedi.

«Qashaǵannyń jaǵdaıyna toqtalatyn bolsaq, osyǵan deıin aıtylǵan edi, ıaǵnı 2016 jyldyń aıaǵyna deıin tıis jumystardy bitirýleri tıis. Jumystardyń negizinde 180 shaqyrym qubyrdy aýystyrý qamtylǵan. Búginde bul júzege asyrylyp jatyr», - dedi U. Qarabalın.

Onyń sózine qaraǵanda, Germanııadaǵy jáne Japonııadaǵy tapsyrys berilgen zaýyttardan qubyrlar kelip jatyr. Qazirgi kezde Germanııadan jasalǵan 86 shaqyrym, al Japonııadan 12 shaqyrym qubyr alynǵan, jalpy 99 shaqyrymdaı qubyrlar jasaldy.

«Bunyń ishinde búginde 67,5 shaqyrymy Qazaqstanǵan jetkizildi. Bular - joǵary tehnologııalarmen jasalǵan qubyrlar. Sonyń ishinde 26 shaqyrymy ken ornynda quryldy. Bul baǵyttaǵy jumystar jospardan jyldamyraq júrip jatyr», - dedi mınıstrdiń birinshi orynbasary.