Qashaǵandy ıgerýge ketetin shyǵyn 200 mlrd. dollardan asyp jyǵylýy múmkin
Mınıstrdiń atap ótýinshe, Qashaǵan jobasyna Shell, Total, EksonMobıl, Inpeks, QazMunaıGaz kompanııalary qatysýshy bolyp tabylady. Ótken jyly KonokoFılıpstiń ornyna qytaılyq CNPC kompanııasy qosylǵan bolatyn. «Bul joba qorynyń kólemi 2 mlrd. tonnadan astam. Sonymen qatar, óziniń tehnologııalyq qıyndyqtary boıynsha biregeı ekendigin atap ótkim keledi. Álemdik munaı qoǵamdastyǵynda bizdiń Qashaǵandy tek Brazılııadaǵy Týpı degen ken ornymen salystyrady. Onyń qory bizdikine jaqyn. Mamandardyń pikiri boıynsha ol shamamen eki júz mlrd. dollar shyǵyndy qajet etedi. Al keıbir boljamdarda Qashaǵanda odan da mol bolatyndyǵy aıtylýda. Sol sebepti Qashanǵan jobasyn iske asyrý úshin óz kezinde jetekshi álemdik munaı kompanııalary tartylǵan bolatyn», - dedi ol.
