Qashaǵandaǵy munaı óndirisi álemdik munaı naryǵyna qalaı áser etedi
«Turyp qalǵannan keıin alǵash ret iske qosý problemasyz júzege asady dep oılaımyz. Al kommertsııalyq óndiris jeltoqsan aıyna qaraı bastalady. Bul - qazirdiń ózinde óte álsiz bolyp turǵan munaı naryǵyndaǵy jaǵdaıǵa keri áserin tıgizý yqtımaldylyǵy joǵary. Bank of America, Merrill Lynch sarapshylary osyny aıtyp otyr», - dedi Aıvar Baıkenov.
«Kazkommerts Sekıýrıtız» sarapshylardyń kóbi ken ornyndaǵy óndiriske kúmándanyp otyrǵanyn aıtty.
«Kelesi jyldyń sońyna qaraı óndiris táýligine 100 myń barrelge jetýi múmkin. Basym bóligi eksportqa jóneltiledi. QazMunaıGazǵa tıesili úlesi ǵana ishki naryqqa baǵyttalýy múmkin. Eldegi óndiris kóleminiń azaıýyna baılanysty qazirgi baǵaǵa qaramastan, Qashaǵan ken ornyn iske qosý qajet bolyp tur», - dep boljady Aıvar Baıkenov.
Eske sala keteıik, osyǵan deıin Memleket basshysy Nursultan Nazarbaev Qashaǵandaǵy óndiris qazan aıynda bastalýy yqtımal ekenin málim etken bolatyn.
