Qashaǵandaǵy apat sebepteri naýryz aıynyń sońyna deıin belgili bolady
ATYRAÝ. QazAqparat - Qashaǵan gaz qubyryndaǵy apattyq jaǵdaılardy týdyrǵan sebepterdi tergeý isi jalǵasyp jatyr. Onyń qorytyndysy aǵymdaǵy jyldyń birinshi toqsanynyń sońyna deıin jarııalanady, dep habarlady NCOC kompanııasynyń baspasóz qyzmetinen.
Berilgen aqparat boıynsha, Qashaǵan ken ornynan jer betinde ornalasqan «Bolashaq» qurylǵysyna baratyn gazdyń jetpeı qalýyna qubyrlardyń sýlfıdti jarylýy sebep bolǵan. Kompanııa qubyrdyń zerthanalyq analızderi men onyń úlgilerin modeldeý qazirgi ýaqytta Qashaǵan ken ornyndaǵy qubyrdyń tehnıkalyq talaptary jumysqa qolaıly bolǵanyn málim etti. Al qubyr H2S bar ortada jáne sýda paıdalanýǵa tózimdi bolatyndaı etip jasalǵan.
Qubyr nelikten jarylǵan degen basty suraqqa jaýapty buzylǵan qubyrlardy zerttep jatqan ǵalymdar berýi tıis. Sodan keıin ǵana «D» teńiz aralynan qurǵaq jerge deıin tartylǵan barlyq úsh qubyr júıesin nemese onyń jekelegen ýchaskelerin aýystyrý týraly sheshim qabyldanatyn bolady.
