Qashaǵandaǵy alǵashqy gaz óńdeý zaýytyn 2027 jyly iske qosý josparlandy

Qazaqstan Respýblıkasynyń Premer-mınıstri Oljas Bektenov Qatardyń Power International Holding (PIH) kompanııasynyń basshylary Mýataz Ál-Haıat jáne Ramez Ál-Haıatpen birlesken jobalardyń júzege asyrylý barysyn talqylady.

Kezdesý barysynda gaz óńdeý jáne telekommýnıkatsııa salalaryndaǵy yntymaqtastyq máseleleri qaraldy.

Energetıka mınıstrliginiń málimeti boıynsha, PIH holdıngi energetıka salasyndaǵy birqatar birlesken jobalardy júzege asyrýǵa qatysady.

Gaz óńdeý salasynda Qashaǵan ken ornynda qýaty jylyna 1 mlrd jáne 2,5 mlrd tekshe metr bolatyn eki gaz óńdeý zaýytyn salý kózdelgen. Búginde qýaty 1 mlrd tekshe metr bolatyn GÓZ-de qurylys-montajdaý jumystary júrgizilýde, negizgi jabdyqty jetkizý is júzinde aıaqtaldy. Zaýytty paıdalanýǵa berý 2027 jylǵa josparlanǵan. Qýattylyǵy 2,5 mlrd tekshe metr bolatyn ekinshi GÓZ-di salý jobasy boıynsha júzege asyrýdyń negizgi kezeńine daıyndyq júrgizilýde, EPC-merdiger anyqtaldy. Jobany aıaqtaý 2030 jylǵa josparlanǵan.

Gaz tasymaldaý ınfraqurylymyn damytý sheńberinde «Beıneý – Bozoı – Shymkent» magıstraldyq gaz qubyrynyń ekinshi jelisin salý jobasy júzege asyrylýda. Jobalaý jáne jabdyqtar men materıaldardy jetkizý jumystary jalǵasýda. Birinshi kezeń 2027 jylǵa, ekinshi kezeń 2029 jylǵa josparlanǵan.

Sondaı-aq telekommýnıkatsııa salasyndaǵy ózara is-qımyl jáne osy baǵyttaǵy odan arǵy yntymaqtastyq máseleleri talqylandy.

Premer-mınıstr nysandardy ýaqtyly paıdalanýǵa berý úshin joǵaryda atalǵan barlyq jobalar boıynsha birlesken jumystardy jandandyrý qajettigin atap ótti. Qazaqstan Úkimeti týyndaıtyn máselelerdi jedel sheshýge qajetti járdem kórsetedi.

Óz kezeginde, holdıngi basshylary ózara tıimdi yntymaqtastyqqa múddeliligin rastap, barlyq ýaǵdalastyqtardy oryndaý úshin qajetti kúsh-jiger jumsaýǵa nıetti ekenderin bildirdi.

Aıta ketelik Qashaǵandaǵy jańa zaýyt jylyna 727 mln tekshe metr gaz óndiredi.