Qashaǵanda táýligine 300 myń barrel munaı óndiriledi

ATYRAÝ. QazAqparat - Qashaǵan teńiz munaı ken orny shıki gazdy plastqa tolyq kólemde aıdaýǵa kiristi, dep habarlaıdy «QazAqparat» HAA tilshisi. 

«Qashaǵandaǵy shıki gazdy plastqa aıdaý jumystary 2017 jyldyń ortasynda bastalǵan bolatyn. Bul kúrdeli keshendik jumys esh kedergisiz iske asyryldy. Qazir gaz aıdaý jospary táýligine 300 myń barrelge jýyqtady. Jyl basynan beri Qashanǵanda 2,5 mln tonna munaı óndirildi. Biraq onymen shektelmeımiz»,- dedi North Caspian Operating Company N.V. (NCOC) konsortsıýmynyń basqarýshy dırektory Brýno Jarden «QazAqparat» HAA tilshisine bergen suhbatynda.

Esterińizge sala keteıik, Qashaǵan teńiz munaı ken ornynan munaı 2016 jyldyń qyrkúıeginen bastap óndirile bastaǵan. Atalǵan merzimnen beri óndirilgen munaı kólemi 11,5 mln tonnaǵa jetken. Bıyl kompanııa 8 mln tonnadan kem emes munaı óndirýdi josparlap otyr.