Qashaǵanda munaı óndirý 45 kúnge toqtatylady
«Normatıvtik talaptarǵa sáıkes, 2019 jyly NKOK(North Caspian Operating Company) «Bolashaq» jerústi kesheni men Qashaǵan ken ornynyń D teńiz kesheninde kúrdeli jóndeý jumystaryn ótkizýdi josparlap otyr. Atap ótkende, D araly men «Bolashaq» munaı jáne gaz daıarlaý qondyrǵysyndaǵy tehnologııalyq jabdyqtardyń josparly-aldyn alý jóndeý jumystary júrgizilip, óndiris tolyq toqtatylady. Óndiristi toqtatý merzimi 45 kúnge josparlanǵan. Jóndeý jumystaryna merdiger kompanııalar qyzmetkerleriniń kóp sany tartylatyn bolady», - dep habarlady QazAqparat tilshisine NKOK baspasóz qyzmetinen.
Kúrdeli jóndeý jumystary kezinde barlyq jabdyqtar toqtatylyp, munaı, gaz jáne kúkirt óndirisi tolyq toqtatylady. Al buǵan deıin óndirilgen munaı saqtalmaı, eksportqa jiberiledi.
Eske sala keteıik, Atyraý oblysynyń Qashaǵan teńiz ken ornyndaǵy NKOK kompanııasy 13,2 mıllıon tonna munaı óndirgen.
Avtor: A.Sokolov
