Qashaǵanda kúnine 370 myń barrelge deıin munaı óndiriledi – Qanat Bozymbaev
«Búginde energetıkanyń bolashaǵy jańa tsıfrlyq tehnologııalarmen, jasandy ıntellektimen baılanysty. Tsıfrlandyrý ınvestıtsııa úshin kóptegen sheksiz jańa múmkinshilikterdi usynady. Jańa tehnologııalardyń arqasynda eńbek ónimdiligi, bıznestiń quzireti, ónim men qyzmet sapasy artýda. Qazaqstanda sáıkesinshe damý strategııasy qabyldanǵan. Biz bul baǵytta ret-retimen ilgerileı beremiz», - dedi mınıstr.
Onyń aıtýynsha, qazirgi ýaqytta elimizdiń munaı-gaz salasynda óziniń tehnologııasy boıynsha biregeı ári aýqymdy jobalar júzege asyrylyp jatyr. Máselen, Teńiz, Qashaǵan jáne Qarashyǵanaq syndy alyp ken oryndaryn óndirý jobalary álemde balamasy joq eń zamaanýı ınnovatsııalardy engizýdiń tabysty úlgisi bola alady. Atap aıtqanda, Teńizde júzege asyrylyp jatqan óte aýqymdy ári joǵary ıntellekýtaldy joba ken ornynan jylyna 12 mıllıonnan 39 mln tonaǵa deıin munaı óndirýge múmkindik beredi.
«Biz Qashaǵanda taıaý ýaqytta kúnine 370 myń barrelge deıin munaı óndirýge qol jetkizýge nıettimiz. Qarashyǵanaqta josparlanyp otyrǵan gazdy óndiristik shekteýdi alyp tastaýmen baılanysty ınvestıtsııalyq jobany júzege asyrý munan keıingi jyldarda munaı óndirýdiń joǵary deńgeıin ustap turýǵa septigin tıgizedi», - dedi Qanat Bozymbaev.
Sonymen qatar ol QR Energetıka mınıstrligi, QR Qarjy mınıstrligi men ýákiletti organ - «PSA» JShS atynan Qazaqstan Respýblıkasynyń Úkimeti men Qarashyǵanaq jobasynyń aktsıonerleri - Enı, Shell, Shevron, Lýkoıl jáne «QazMunaıGaz» (konsortsıým) shynaıylyq ındeksi boıynsha pikirtalasqa núkte qoıyp, naqty bir mámilege qol qoıǵanyn eske saldy.
«Qarashyǵanaq» konsortsıýmymen kelissózder óte kúrdeli boldy. Degenmen, biz ymyraǵa qol jetkize aldyq. Biz keminde taıaý jıyrma jyldyń ishinde Qazaqstanda munaı men kondensat óndirý negizinen atalǵan úsh ken orny esebinen qamtamasyz etiledi dep kútemiz», - dedi ol.
